MFGRANIT.com

          Zawjeźenje
          Adrese a telefonowe numery
          Wjednistwo kamjenišća
          Certifikaty za našu firmu
          Plan drogi k nam

   M&F International Trading tzwr Granitowa skała (kamjenišćo) we jsy Kostrza eksistěrujo wót lěta 1990. To jo towaristwo pó wikowańskej kazni. W jamje, kótaraž jo była 60 lět zacynjona, smy naspjet zachopili dobywaś granit a smy natwarili zawod, kótaryž producěrujo na lěto 25.000 tonow granitowych kóstkow a 22.000 m2 granitowych platow.

   W firmje źěła někak 100 źěłaśerjow, wóna jo južo wjele lět pórědny źěłodawaŕ. Firma grajo wažnu rolu w ekonomiskich strukturach gmejny Strzegom. 90% našeje produkcije wuwózujo se do Nimskeje. Smy znate dla bźezpórocneje logistiki a tež dla togo, až doźaržujomy terminy a docynijomy kuždy nadawk indiwiduelnje.

   W běgu toś tych lět smy librowali material za twaŕ wjelgin znatych objektow w Nimskej, ako na pśikład: Pariske naměsto pśi Bramborskich wrotach w Barlinju, Park inwalidow w Barlinju, wokolina głownego dwornišća w Lipsku, Stare město we Wytparku (Wittenberg – město Martina Luthera), Domaquaree w Barlinju, wenkowne płoniny brazilskego wjelikopósłaństwa w Barlinju, park pśi Sprjewinem wokłonje w Barlinju atd. Nalicenje wšyknych objektow, za kótarež smy librowali material, by napołniło wjele źasetkow A4-bokow. Naše produkty namakajośo mjazy Flensburgom a Mnichowom (München), mjazy Barlinjom a Wiesbadenom.